heimför

mér fannst ég heyra einhvern
raula gamalkunnuga tóna
aftarlega í lestinni

lagið

það var eitthvað fyndið við þetta lag
og leikarar blásturshljóðfæranna
urðu að gera hlé til að hlæja

andartak

eitt andartak
virtist fræ biðukollunnar
standa kyrrt í lofti mótlægra vinda

prédikunin

við dögun kom í ljós að apabúrið hafði opnast
og stuttu síðar steig óvæntur gestur upp
í prédikunarstól nálægrar kirkju

sambakóngurinn

eitt sinn var mikill sambakóngur
og í hvert sinn sem hann sveiflaði sér
duttu bananar niður úr fjarlægum trjám

samúðarskeyti

á
tundurskeytið
var rituð afsökunarbeiðni

upplausn

óreiða regndropanna
vakti mátt ímyndunarinnar
af andlausum svefni endurvarpsins